Chirakaala Sneham Ne Prema Lyrical Song

పల్లవి:

చిరకాల స్నేహం - నీ ప్రేమ చరితం

చిగురించె నా కోసమే ||2||

నీపై నా ధ్యానం - నాకై నీ త్యాగం

వింతైన సందేశమే

చరణం 1:

కలలుకన్న ప్రేమలన్నీ నిలిచిపోయే మౌనమై ||2||

నేను నీకు భారమైన దూరమైన వేళలో

నీవే నాకు చేరువై చేరదీసినావయా

ఎంత ప్రేమ యేసయ్యా || చిరకాల ||

చరణం 2:

గాలి మేడ నీడ చెదరి కృంగిపోయే నా మది ||2||

సంధ్యవేళ వెలుగు మరుగై ఒంటరైన వేళలో

దరికి చేరి దారి చూపి ధైర్యపరచినావయా

తోడు నీవే యేసయ్యా || చిరకాల ||

చరణం 3:

మధురమైన ప్రేమలోన విలువ కలిగె సిలువకు ||2||

శిలగ నేను నిన్ను చేర నీదు రూపు కలిగెను

శ్రేష్ఠమైన స్వాస్థ్యమందు నన్ను నిలిపినావయా

నిలిపినావు యేసయ్యా || చిరకాల ||

SUBSCRIBE

Watch this Song and Be Blessed

God Bless You !!!